Qhoos-kas Suav Sau Nyob Ua Ke Ntawm Minnesota tau txais nyiaj pab los ntawm Chaw Ua Haujlwm Pab Cuam Tib Neeg (DHS) Hauv Minnesota [Minnesota Department of Human Services (DHS)] thiab raug tswj hwm los ntawm The Arc Minnesota.

Lub hom phiaj ntawm qhov kev pab nyiaj no yog txhawm rau muab nyiaj rau pawg neeg thiab cov koom haum uas muaj kev txhawb nqa tus kheej uas ua haujlwm pub rau tej zej zog uas xam muaj cov neeg muaj kev tsis taus fab laj lim tswv yim thiab fab kev paub tab. Cov phiajxwm no yuav tsum ua raws li ib qho twg ntawm cov qauv cai txuas mus ntxiv no:

· Txo cov kev thaiv cais tsis pub cov neeg ua haujlwm tuaj koom raws li cov neeg muaj kev tsis taus fab laj lim tswv yim thiab fab kev paub tab tau ntsib dhau los.

· Ua kom yeej cov kev thaiv cais tej hau kev xaiv tsheb thauj mus los uas siv tau thiab ntseeg tau rau cov neeg muaj kev tsis taus fab laj lim tswv yim thiab fab kev paub tab.

· Taw qhia txog thiab tham txog cov kev thaiv cais tsis pub xaiv tsa uas cov neeg muaj kev tsis taus fab laj lim tswv yim thiab fab kev paub tab tau ntsib dhau los.

· Txhawb nqa kom muaj vaj tse rau nyob ntau dua qub rau cov neeg muaj kev tsis taus fab laj lim tswv yim thiab fab kev paub tab.

· Ua haujlwm nrog cov koom haum lossis tsoom ua lag luam ntawm nom tswv ntsig txog cov teeb meem kev nkag siv tau raws li Tsab Cai Neeg Asmesliskas Uas Xiam Oob Qhab.

· Ua kom muaj kev sib koom tes ntau ntxiv ntawm pawg neeg thiab lwm lub koom haum uas muaj kev txhawb nqa tus kheej kom los tham cov lus kom muaj txiaj ntsig zoo txog cov teeb meem hom kab ke uas muaj qhov tsis zoo tshwm sim rau cov neeg muaj kev tsis taus fab laj lim tswv yim thiab fab kev paub tab.

· Ua kom muaj peev xwm ntau ntxiv rau suav sau nyob ua ke hauv lub zej zog.

· Muab kev kawm paub rau zej tsoom sawv daws thiab kev paub txog kev muaj cai ntawm pej xeem thiab tib neeg ntawm cov neeg muaj kev tsis taus fab laj lim tswv yim thiab fab kev paub tab.

Tag nrho txhua cov nyiaj pab yuav raug muab ncaj qha mus rau lub koom haum lossis pawg neeg uas muaj kev txhawb nqa tus kheej. Peb tsis muaj peev xwm muab pob nyiaj pab cob rau ib tug neeg twg. Pawg neeg yuav tsum tau muaj ib tug askhauj nyiaj txiag uas si v rau lawv lub koom haum txhawm rau kom tau txais pob nyiaj pab. Yog hais tias koj pawg neeg tsis muaj ib tug askhauj li, ces lawv tuaj yeem koom nrog ib lub koom haum tus uas yuav muab kev pab cuam thaum yog tus neeg pab txhawb fab nyiaj txiag. Tus pab tx hawb fab nyiaj txiag (tus tswv nyiaj txiag) yuav yog ib lub koom haum uas tuaj yeem tuav cov nyiaj sawv cev rau koj pawg neeg. 

Yog hais tias cov nyiaj pab raug tso cai rau muab, ces tus neeg uas tso npe thov ntawd yuav raug tiv tauj kom muab tej ntaub ntawv qee yam ntxiv.

Cov lus nug uas muaj lub cim khaub lig xim liab yuav tseev kom teb.

Yog hais tias koj nyiam kom muaj lwm hom qauv rau xaiv sau kom tiav

kev tso npe thov no, ces thov caw tiv tauj:

Marais Wakem

Email: maraiswakem@arcminnesota.org